asa (anarana)

From KoloikoWiki
Jump to: navigation, search

: ['asa]

Jereo koa: asa (mpamaritra)asa (tambinteny) miasa

Anarana

  1. Zavatra atao ampiasan-kery, vatana, na saina.
    Asa mandreraka ny mibata entana.
    Tsy afaka mivoaka aho androany fa misy asa ataoko ato an-trano.
  2. Raharaha atao andavan'andro hahazoam-bola ivelomana.
    Inona no asa ataonao?
    Tsy mahavelona antsika ity asa ity.
  3. Fihadiana tany amin'ny angady.
    Vita asa ilay tanimboly;
  4. Fiantsoana na fiangaviana olona ho tonga hiaraka hisakafo, hanatrika lanonana, na hivory.
  5. Fandranitana zava-maranitra.
  6. Teny fanafohezana ny boky Asan'ny Apostôly ao amin'ny Baiboly.

Ohabolana momba ny asa (anarana)

  • Ny asa atao an-kira toa vita tsy natao.
    Ilazana hoe rehefa misy asa iaray ataonao dia tsara raha sady mihirahira eo am-panaovana azy. Satria mantsy rehefa mihira ianao dia tsy hitahita akory dia vita ilay asa na dia mandreraka sy mafy toy ny inona aza. Izany hoe, toy ny vita hoazy toy ny tsy natao akory ilay asa.
  • Asa vadi-drano, tsy vita raha tsy ifanakonana.
    Ohabolana momba ny firaisan-kina izy ity anehoana ny tsy maintsy ifanampiana rehefa manao asa iraisana. Ny atao hoe asa vadi-drano dia asa atao ahitana firobohana ao anaty rano toy ny manetsa, manihika, sns. Miandahy miambavy rehefa manao ireny karazan'asa ireny ary mazàna sikina kely fotsiny no anaovan'ireo mpiasa. Noho izany dia mila mifanakona ny lehilahy sy ny vehivavy mba ialana amin'ny fahamenarana.

Fomba fiteny sy karazana asa (zavatra atao)

  • Asa andrirany
    Asa atao ho fanampin'ny asa mahazatra fitadiavam-bola.
  • Asa an-terivozona
    Sazy omena ireo olona nanao heloka bevava teo amin'ny fiaraha-monina: asaina manao asa mafy ilay olo-meloka ary tsy mahazo mandà fa tsy maintsy manao izay rehetra ampanaovina azy.
  • Asa an-trano
    Asa atao mikasika ny fikarakarana tokatrano.
  • Asa ara-drefy
    Taozavatra izay atao ampanarahana refy manokana mifanaraka amin'izay itiavan'ny tompony azy. Ohatra, seza iray izay namboarina manokana hifanaraka amin'ny hangezan'ilay olona hipetraka eo amboniny.
  • Asa avy any ivelany
    Fitambaran'ny saram-pandaniana ataon'ny orinasa.
  • Asa basy
    Fianaran'ny miaramila hitana basy.
  • Asa dia
    Fivezivezena atao mba hanalana voly ny tongotra.
  • Asa famoasana
    Asa ahazoana endrika boribory hatrany.
  • Asa famokarana
    Famokarana.
  • Asa fampiharana
    Fampiharana ny zavatra nianarana.
  • Asa fandavorariana
    Pitsopitsony farany atao ho famitàna sy fanatsarana ny asa iray.
  • Asa fandravana
    Asan'ny rano, rivotra, olombelona, na biby manimba ny tany.
  • Asa fanodinana
    Asa fanovana akora ho vokatra iray.
  • Asa fanomezana endrika
    Fanamboara ny zavatra iray mba hanana endrika mahafinaritra.
  • Asa fivelomana
    Raharaha atao mampidi-bola iainana.
  • Asa karieka
    Asa atao hitrandrahana vato (harena an-kibon'ny tany).
  • Asa loha
    Fiereitreretana lalina rehefa misy olana, indraindray koa lazaina hoe asa saina.
  • Asa maizina
    Asa ratsy atao miafina.
  • Asa maloto
    Asa ratsy, asa maizina.
  • Asa manasatra
    Asa manahirana sady mandreraka.
  • Asa marohasy
    Asa fampitohizana mpampita aratra maro.
  • Asa marika
    Kajy.
  • Asa masina
    Asa natao hanompoana an'Andriamanitra.
  • Asa milina
    Fampiasana milina hamitana taozavatra iray.
  • Asa mitsitokantokana
    Asa atao tsirairay.
  • Asa mivantana
    Asa fampiharana atao eny an-kianja na an-tsaha.
  • Asa raikitra
    Asa fivelomana tsy tapaka.
  • Asa saina
    Asa ampiasana indrindra ny saina, ohatra: fampianarana, fanaovam-boky.
  • Asa soa
    Hetsika atao hitondra soa sy fanampiana ho an'ny mpiara-belona.
  • Asa soratra
    Lahatsoratra na boky vitana mpanoratra.
  • Asa takela-by
    Fitambaran'ny sokajin'asa manamboatra zavatra amin'ny takela-by.
  • Asa tanana
    Asa ampiasana indrindra ny tanana, asa taozavatra toy ny fandrafetana, fiasantany.
  • Asa tany
    Asa fambolena, izany hoe fitrandrahana ny tany.
  • Asa tana-maro
    Asa ataon'olona maro.
  • Asa tena
    Asa mahaleo tena, izany hoe ny tenanao ihany no sefo mibaiko anao.
  • Asa tombamboroka
    Ny tany manaraka ny ahitra sorohina.
  • Asa tselika
    Asa atao mandritra ny fotoana fohy mba hahazoam-bola.
  • Asa vadi-drano
    Asa ataon'olona maro eny an-tanimbary feno rano na eny amin'ny renirano toy ny manihika ohatra.
  • Asa vaventy
    Asa goavana ataon'ny fanjakana toy ny fanamboaran-dalana, tohodrano, trano goavana, sns.
  • Asa velatra
    Asa fandavorariana velatra iray
  • Asa voly
    Fanalana ny ahidratsy.
  • Asa zama
    Asa tany rakotra ahitra be, asa be ahitra anaty rano.
  • Asam-birao
    Asa atao any amin' ny birao, izay miompana indrindra amin' ny soratra.
  • Asan'adala
    Asa natao kitoatoa.
  • Asan-jiolahy
    Asa ataon'ireo jiolahy.