Ireo Mpiteny
AndrianimerinA Hobiana
Hobiana dia pôeta sy mpanoratra sady mpitantara angano. Filoham-boninahitry ny Havatsa-UPEM Arivonimamo izy. Manana ny mari-boninahitra Officier de l'ordre des arts, des lettres et de la culture (2012) sy Commandeur de l'ordre des arts, des lettres et de la culture (2017). Namoaka ny amboaran-tononkalo Adolantsento (2011) sy ny amboaran-tsombintantara Rom-padinkena (2019). Voafidy ho Mpanoratry ny Taona tamin'ny 2019.
Lohahevitra
Na Hassi
Na Hassi dia pôeta mpanao slam nanomboka nanoratra tamin'ny taona 2003. Namoaka amboara-tononkalo noraiketina am-peo mitondra ny lohateny hoe Prozodik, l'hystérique et ses masques tamin'ny 2016. Nandalina ny teny Frantsay sy literatiora amin'ny teny Frantsay tao amin'ny FLSH Ankatso. Nanao fikarohana momba an'i Esther Nirina niainga tamin'ny amboaran-tononkalo Simple voyelle tamin'ny taona fahefatra (Master I).
Lohahevitra
Sitraka Feno Tanteraka
Mpanoratra tononkalo sy sombintantara nanomboka ny taona 2016. Nanorina sy mitantana pejy Facebook maro anisan'ireny Ahoana no fanoratra?, Tononkalontsika. Nikarakara nampiaina ny seho an-tsehatra Orimbato ny fitia niarahana tamina mpanoratra dimy hafa tao amin'ny Ivokolo Cemdlac Analakely (Novembra 2017). Tompon-tsehatra tamin'ny famelomana ny seho milohateny hoe Tati-bilana tao amin'ny efitrano malalaky ny Ivokolo Cemdlac Analakely (Mey 2018).
Lohahevitra
Riambola Mitia
Riambola Mitia dia Pôeta, Mpanoratra tononkalo sy sombintantara. Miezaka manandratra ny Haivolana sy ny Haisoratra ary ny teny Malagasy. Nandalina momba ny zavaboahary. Efa mpandrindra ny Faribolana Sandratra sampana Antananarivo. Efa namoaka boky maro dia maro.
Lohahevitra
Poety Rebely
Poety Rebely na Rasoanivo Faralalaina Elia Olsenie dia mpanao slam-pôezia. Zava-misy mandondona sy teny mavesabesatra no entiny mamoaka ny aingam-panahiny. Tompon-dakan'Antananarivo izy tamin'ny fifaninanana reziôonaly nisafidianana ireo solontenan'Antananarivo amin'ny slam nasiônaly (03 Nôvambra 2018), ary tompon-daka slam nasiônaly andiany fahasivy, sokajy Slam Collectif niaraka tamin'i Conan sy Andriamisetra (08 Desambra 2018).
Lohahevitra
Ony Lantoarimamy Ravorombato
Ravorombato na Ravorombato Ony Lantoarimamy dia Teraka tamin'ny 18 Oktôbra 1975 tao Befelatanana, Antananarivo. Mpanoratra, Mpampianatra, ary Mpikabary izy. Filohan'ny Havatsa-UPEM sampana Arivonimamo izy ary manana ny mari-boninahitra Chevalier de l'ordre des arts, des lettres et de la culture. Ny tantara an'onjampeo no tena manavanana azy. Izy no nahazo ny anaram-boninahitra Mpanoratry ny Taona tamin'ny 2018.
Lohahevitra
Ranaivosolo William Casimir
Ranaivosolo William Casimir dia mpikabary malaza. Havanana eo amin'ny karazan-kabary rehetra.
LohahevitraTeny Fohy
“Tena matiantoka aloha izay tsy manatrika ny kônferansa satria kihon-dalana lehibe eo amin'ny soratra sy ny teny Malagasy izao vanim-potoana fisian'ny KMS izao.”
“Maro ny hetsika ara-javakanto fa mendri-piderana ny mpikarakara ny Kônferansa Momba ny Soratra, ary tokony ho tohanana. Misaotra indrindra..”