Kônferansa andiany fahatelo

Kônferansa Momba ny Soratra 2019

9 Novambra, Antananarivo, Madagasikara Hividy Tapakila

Mpanao Velakevitra

Ireto ambany ireto ny anaran'ireo mpanao velakevitra mandritra ny KMS 2019.

Image

Voniary

Mpanoratra

Rasolondraibe Ando Nantenaina na Voniary dia mpiblaogy, namorona sy mitantana ny Blaogin'I Voniary. Efa tia nanoratra tantara foronina tamin'ny teny Frantsay i Voniary fony fahakeliny ary nandray anjara tamina fifaninana maromaro.

Araho Voniary —

Lohahevitra
Image

Gaby Kely

Mpanoratra

RAJAONARIVONY Hasina na Gaby Kely dia mpanoratra. Nanomboka nanoratra tamin'ny taona 1991. Mpikambana ao amin'ny Havàtsa-UPEM. Boky tononkalo nosoratany: Pi-maso (2017), Todim-pitia (2018), Tsara Andriamanitra (2015). Boky fanadihadiana nosoratany: Vilany mitongilana.

Araho Gaby —

Lohahevitra
Image

Jirom-panahy

Mpanoratra

RAHOILJAON Harinaivo Maminirina Tiana Mickaël na Jirom-panahy dia nanomboka nanoratra ny taona 2016 ka teo amin'ny sehatry ny tononkalo no nanoratana voalohany. Tamin'ny taona 2018 vao nanoratra tantara an'ojam-peo. Tao amin'ny Olivasoa Radio 91.0 FM no namoahany ireo tantara nosoratany.

Araho Jirom-panahy —

Lohahevitra
Image

Poety Rebely

Mpanao slam

RASOANIVO Faralalaina Elia Olsenie, na Poety Rebely dia mpanao slam-poezia. Poety Rebely satria zava-misy mandonandona sy teny mavesabesatra no avoakany sy ampiasainy, ary mba tsy ho tampoka be amin'ny mpamaky sy ny mpihaino ny fihainoana azy.

Araho Poety —

Lohahevitra
Image

Ravorombato

Mpanoratra

Ravorombato Ony Lantoarimamy na Ravorombato dia Mpanoratra, Mpampianatra, Mpikabary. Filohan'ny Havàtsa-UPEM Sampana Arivonimamo. Manana ny mari-boninahitra Chevalier de lĄŻordre des arts, des lettres et de la culture.

Araho Ravorombato —

Lohahevitra
Image

Mihanta

Mpanoratra

MBOLANANTENAINA Marie Nathalie na Mihanta dia nanomboka nanoratra ny taona 2017. Tononkalo no tena manavanana azy. Maro ny hetsika nandraisany anjara. Santionany amin'izany: Sakoroka (31 Jolay 2019), Hirika (07 Aogositra 2019), Sakoroka 2 (28 Aogositra 2019), izay samy tao amin'ny Ivokolo Cemdlac avokoa. Mbola mpianatra izy ary ao amin'ny kilasy famaranana.

Araho Mihanta —

Lohahevitra

Mpandrindra

Ny handrindra ny kôferansa amin'ity andiany fahatelo ity dia Riambola Mitia. Hitatsika eto ambany eto ny mombamomba azy.

Image

Riambola Mitia

Mpanoratra

Riambola Mitia dia Poeta, Mpanoratra tononkalo sy sombintantara. Miezaka manandratra ny Haivolana sy Haisoratra ary ny teny Malagasy. Nandalina momba ny zavaboahary. Mpandrindra ny Faribolana Sandratra Antananarivo. Efa namoaka boky maro.

Araho Riambola —

Mpanohana

Ireto daholo ny mpanohana ôfisialy ny KMS 2019. Ankoatr'ireo dia maro dia maro ireo olon-tsotra sy fikambanana izay miara-miasa amin'ny fanatontosana ny kônferansa.

Image
Image
Image